Ayon sa talaan ng kasaysayan at batay na rin sa alaala ng mga mamamayan taong 1935 itinayo ang 1^st school building sa Longaon at di nagtagal noong 1938 naging baryo ang Longaon. Napag-alaman din na ang mga unang tao sa Sityo Longaon ay ang mga Sales, Magallanes at Pulilan. Kabilang rin sa mga pamilyang netibo sa barangay ay mga Carpiano, Bernal, Dionisio at Macoy. Samantala ang Turda noon ay sakop pa ng Bgy. Marcilla at ang mga may-ari ng lupa ng Turda noon ay ang mga Sales, Ormido-Donde, Razote-Loquib at mga Lozano. Noong 1936 ay may sumadsad na barko na lulan ang mga hapon na nakakita ng mga bahay na gawa sa tulda na ang pagbigkas ng mga hapon ay turda. Kaya dito nagsimula ang pangalang Turda. Sinasabing ang mga Ormido daw ay galing ng Ilo-ilo, ang mga Sales ay mula naman sa Mindoro, Lozano ay galing naman sa Visaya, ang Razote ay mula sa Luzon at ang mga Donde at Luquib naman ay mga native na. Nagkaroon ng bayanihan noong 1945 at noong 1946 nilote lote ang kalupaan sa Turda.

May mga nakilalang personalidad sa Turda katulad na lang ni Julian Francisco na mula sa Mindanao at nagkaroon ng Sakada. Andyan din si Franco na hinihinalaang espiya laban sa mga hapon.

Sa bahay ni Mr. Valeriano Razote noong 1947 ay naging temporary school at kalaunan noong 1948 itinayo ang 2 school building na yari sa kawayan. Marami pang mga imprastraktura ang naipatayo sa mga sumunod na taon kagaya na lang noong 1954 ang pre-fabricated concrete building. Noong 1972 ang concrete club house naman at noong 1978 itinayo ang basketball court.  Tumagos naman ang kalsada galing Borac noong 1994. Taong 2000 naman naging concrete ang health center. At marami pang naging improvement ang barangay pagdating sa imprastraktura.

May mga makasaysayang pangyayari sa barangay ang naitala rin tulad na lamang ang pagkakaroon ng minahan ng manganese. Dumating din ang mapaminsalang bagyong Undang noong 1984 na sumira sa maraming pananim, kabahayan at mga bangka. Dumagsa rin ang mga moro-ami noong 1975 at noong taong din yun naging Escort sa nanalong Miss Turda ang butihing Mayor Mario T. Reyes, Jr.  Noong 1997 naman ay may nanganak ng quadruplets. Itinatag naman noong Oktobre ng 2002 ang Bayang Primary School at noong taong din yun nagkaroon ng linyada ng kuryente sa barangay. Nagkasunuran naman sa pamemeste ang mga balang noong 2003 at mga daga noong 2004. Naging 1^st Principal naman si Mr. Constantino Daganta ng paaralang elementarya ng Barangay Turda. Nag-umpisang pinagdiwang ang foundation day ng Barangay noong January 26, 2007 at sa parehas na taon naitayo ang parokya ng barangay. Naipatayo ang Highschool noong taong 2008 at na-establish ang Coast Guard na pinamunuan ni MCPO Edmon Decleto. Noong 2009 nagkaroon ng daluyong na kung saan nasira halos lahat ng kabahayan sa coastal at nasira na rin pati ang kalsada at pier. Naitala at na-publish sa mga diyaryo ang panganganak ni Mylene Mariano Zambales ng quadruplet ang mga anak ngunit namatay din yung isa. Taong 2011 naman napakongkreto ang kalsada ng

Razote Street. Taong 2013 naipatayo ang barangay stage at ang patubig na level 3 sa buwan ng oktubre at Nobyembre 8, 2013 nanalasa naman ang Bagyong Yolanda. Naipatayo naman ang Day Care Center noong 2014 at nagkaroon ng bagong school building sa elementary at gayunding taon nagbukas din ang kalsada mula Turda proper hanggang Sitio Calasag. Nabuksan naman ang kalsada mula turda proper hanggang Sitio Maraliten noong 2016 at Naipatayo ang Multi-purpose Hall. Gayundin noong 2016 nagkaroon ng linyada ng kuryente ang Sitio Kalasag at Sitio Bayang. At sa taong 2018 naupo bilang Punong Barangay si Rico P. Ruiz, at sa taong 2019 naman nagkaroon ng karagdagang street light sa mga madidilim na lugar. At nagkaroon din ng solid waste management, at napanatiling mapaayos ang mga kalsada. Nagkaroon din ng footbridge sa mga Purok 2, Purok 3, Purok 4 at Sitio Mabunungen. Sa taong 2021, naman natapos ang covered court dito sa Barangay Turda Proper. at kasabay din nito ang court na pinagawa sa Sitio Bayang. At sa taong 2022, nakilala ang Sitio Minanga bilang isang Minanga Floating House ng Barangay Turda.

Ang mga sumusunod na namuno sa barangay ay sina: