Noong unang panahon, ang Barangay Poblacion 1 ay isa pa lamang sityo na tinawag na Sityo Sinamay at ang mga pamilya Bacabag, Gacayan, Agbunag, Cabading, Mayo, Delos santos. Apat (4) na tao pa lamang ang nagmamay-ari mng mga lupa, ang pamilyang Cabading, Cruz, Rodriguez at Rabang. Dito itinayo ang pampublikong paaralan ng elementary ng Coron noong 1940, ang CSES at Sekondarya (CSF), noong 1962 na nag-umpisa muna ang isang seksyon sa first year. Ang gusali ay yari lamang sa pawid na may dalawang silid-aralan. Ang lupang kinatatayuan nito ay donasyon ni Marcos Cabading at unang nagging principal ay si Ginang Paz Flores;

Batay sa talaan ng kasaysayan at alaala ng mga iilang naunang naninirahan dito, taong 1902 kilala ito sa lugar na Coron.  Sa paglipas ng mga taon, taong 1972  itinatag ang PAMAHALAANG BARANGAY POBLACION 1  na naunang Tenyente Del Barrio ay si  G. Romulo G. Mayo 1973 hanggang 1974. 

At ang mga sumunod na Tenyente Del Barrio ay sina Ernesto C. Estandarte buwan ng Abril taong 1975, Justo Victoria taong 1975 hanggang 1978, Jose Florez, jr  taong 1978 hanggang 1980 , At ang pinaka matagal sa kanyang termino ay si Kapt. Elena Cruz Aguilar taong 1980 hanggang 1986, Kapt. Orlando Segovia taong 1986 hanggang 1988 At taong 1992  tinawag ang Kapitan bilang Punong Barangay na pinamunuan ni Punong Barangay Elisio Buenaflor taong 1989 hanggang 1997 , at Punong Barangay Alfredo Naling Araneta taong 1997 hanggang 2002. Ang sumunod na may pinaka mahabang nanungkulan sa Barangay Poblacion 1 ay si Punong Barangay Ernesto Cabaong Estandarte na nagsimulang manungkulan taong 2002 hanggang 2007 na pinalitan ng bagong Punong Barangay Punong Barangay Antonio Cruz Privado taong 2002-2018; taong 2018  naihalal na bagong Punong Barangay si Freddie A. Lendes,  hanggang sa kasalukuyan.  sa ilalim ng pamumuno ng Punong Barangay Freddie A. Lendes, sampu ng kanyang mga kasamahan sa Sangguniang Barangay naitatag ang kauna-unahang covered court ng barangay, multi-purpose building at na-semento ang mga kalsada.

Dahil sa lupang donasyon ni G. Gregorio Enriquez na may sukat na 1,200 sq.mtrs  at sa pagdami ng mga mag-aaral nagkaroon na rin ng dalawang (2) Day Care Center , isang (1) multi-purpose building at Barangay Hall/Outpost At sa paglipas ng taon, napagawa ang isang (1) basketball court at grandstand. Sa ilalim ng pamumuno ng Punong Barangay Freddie A. Lendes, sampu ng kanyang mga kasamahan sa Sangguniang Barangay naitatag ang kauna-unahang covered court ng barangay, multi-purpose building at na-semento ang mga kalsada sa Enriquez Subdivision.

Ang Barangay Poblacion 1, ay mayroon din na limang  (5)  sitio,  tulad ng Upper Sinamay, Lower Sinamay, Bacauan, White plains at Comesaria ang barangay;

Ang Barangay Poblacion 1,  ay pangunahing hanapbuhay ay mangingisda, negosyo, mga nagta-trabaho sa iba’t-bang ahensya,at dito matatagpuan ang mga iba’t-ibang mga hotel tulad ng corto del mar, princess of coron, darayonan lodge, haizan, village lodge, bluewave, micasa lodge, diamond center, acacia garden inn.

Sa Barangay Poblacion 1, din matatagpuan ang mga naging alkalde ng Bayan ng Coron, tulad ni Mario t. Reyes, Felipe Maligaya, at Marjo T. Reyes at Clara fems Espiritu-Reyes,  ang mga naging bise-alkalde naman ay sina Elisio Buenaflor, at Marjo T. Reyes, Jr, at ang mga naging sangguniang bayan naman ay sina Elena Cruz Aguilar, Elisio Buenaflor, Roberto Dabuit, Frederick Ryan Lofranco  Arboleda at Efren D. Tejada; At ang naging gobernador ng Palawan na si G. Joel T. Reyes;

Maraming mga business establishment ang itinayo dito sa barangay isa na rito ang FACOMA na kauna-unahang gusali na itinatag ng pribadong tao at ginamit ng National Government. Ang Landbank of Coron sa ECA building ay makikita sa barangay na ito. Marami ring mga tao na lumaki sa barangay ang nanilbihan sa Bayan ng Coron tulad ng unang pari ng Coron na si Miguelito Vicentino.

Sa pamumuno ng mga masisipag na kapitan, maraming mga proyekto o mga business establishments ang makikita sa barangay na ito. Isa na rito ang Pilot Road (Felicidad Abe Cruz Street), IJC Petron Gas Station,Villa Enriquez Subdivision ,Barangay Outpost, Barangay Hall. Dito rin makikita ang BISELCO CATV, Saragpunta Building COSASCO Office Darayonan, Village Lodge Maging ang unang Cabaret ng Coron ay dito rin unang itinayo. Nang lumaon, marami na ring mga organisyon o Kooperatiba ang pumasok sa barangay na nakatulong sa mga taong naninirahan sa barangay na ito. Hanggang patuloy pa rin ang pag – unlad ng barangay sa tulong ng mga namumuno at sa tulong ng mga pamahalaang bayan ng coron at sa Kooperasyon ng mga  mamamayan na naninirahan dito.

Patronal Fiesta/ Foundation Days:  San Agustin ( Agosto, 28)